12 წლის ავღანელი გოგონა, გადაღებული 1984 წელს. ფოტოგრაფი Steve McCurry, რომელიც "National Geographic"-ში მუშაობს. სურათი გამორჩეულია იმით, რომ ავღანეთში მდედრობითი სქესის წარმომადგენლებს იშვიათად აქვთ სურათების გადაღების უფლება. ეს სურათი გავრცელებისთანავე წლის ფოტოდ დაასახელეს. განსაკუთრებით აღტაცებაში მოჰყავდა ხალხი გოგონას თვალებს.

ომაირა სანჩეზი. 1985 წელი. ფოტოგრაფი Frank Fournier. ეს ფიტო ყველაზე დიდ ემოციებს იწვევს ჩემში. კოლუმბიაში ამოფრქვეული ვულკანის ერთ-ერთი მსხვერპლი 25 000-დან. 13 წლის გოგონა წყალში ჩავარდა, ნანგრევებში გაიჭედა და ამოსვლას ვერ ახერხებდა. სამი დღის შემდეგ კი გარდაიცვალა. ფოტო სიკვდილამდე 5 წუთით ადრეა გადაღებული.

კოსოვოელი ლტოლვილები, 1999 წელი. ფოტოგრაფი Carol Guzy. სურათზე ჩანს 2 წლის აგიმ შალა, რომელიც ღობის ერთი მხრიდან მეორეზე გადაჰყავთ. მეორე მხარეს (სადაც ბავშვი მიდის) არის ალბანური თავშესაფარი ბანაკი.

შიმშილისგან დაუძლურებული ბავშვი, 1994 წელი. ფოტოგრაფი Kevin Carter. ფოტო გადაღებულია სუდანში. სვავი ჩასაფრებული იცდის, როდის დაკარგავს გონებას გოგონა, რათა ეცეს. ფოტომ მთელი მსოფლიო შოკში ჩააგდო. სამშობლოში დაბრუნებულ ფოტოგრაფს ახსნა განმარტება დაჭირდა, რადგან აგელვბეული ხალხისათვის ეთქვა, რომ გოგონანმ საჭმლის გაცემის პუნქტამდე მიაღწუა. ინფორმაცია ბუნებრივია არ გდამოწმებულა. ფაქტი ერთია- ფოტოს გადაღებიდან 3 თვის შემდეგ ფოტოგრაფმა საკუთარ სახლში თავი მოიკლა.

ფოტოგრაფმა ნიკ უიტმა ეს სურათი გადაუღო ვიეტნამელ გოგონას, რომელიც დაბომბვებს გაურბოდა. სწორედ ამ სურათმა აიძულა მთელი მსოფლიო დაფიქრებულიყო ვიეტნამის ომზე.
9 წლის ვიეტნამელი გოგონას, კინ ფუკის სურათი სამუდამოდ შევიდა მსოფლიოს ისტორიაში. კიმმა ეს სურათი პირველად 14 თვის შემდეგ, ერთერთ საავადმყოფოში მკურნალობისას იხილა. მას კარგად ახსოვს ეს დღე და ვერ ივიწყებს ბომბების დაცემის ხმას. ვიღაც ამერიკელი მეომარი ცდილობდა დახმარებას და დამწვარ კანზე წყალს ასხამდა, მაგრამ ეს უარესი იყო. გოგონას ფოტოგრაფი ნიკ უიტი დაეხმარა და ის საავადმყოფოში მიიყვანა.

1933 წლის 27 სექტემბერს პერუში დაბადებული ლინა მედინა სამედიცინო ისტორიაში დღესდღეობით ყველაზე ახალგაზრდა დედაა. მან შვილი 5 წლის, 7 თვისა და 21 დღის ასაკში გააჩინა.
ლინა მისმა მშობლებმა საავადმყოფოში 5 წლის ასაკში მიიყვანეს რადგან ლინას მუცელი გაეზარდა. ისინი ფიქრობდნენ რომ მას კიბო ჭირდა. მაგრამ ექიმმა აღმოაჩინა, რომ ლინა 7 თვის ორსული იყო.
1939 წლის 14 მაისს მან საკეისრო კვეთით გააჩინა შვილი. იგი 2,7 კგ-ს იწონიდა. თავდაპირველად იზრდებოდნენ როგორც და-ძმა. მხოლოდ 10 წლის ასაკში გაიგო სიმართლე ხერარდომ. გარდაიცვალა 40 წლის ასაკში ძვლის კიბოთი.
ლინს არასდროს დაუსახელებია ხერარდოს მამის ვინაობა.

გაყოფილი წყალი, 1950 წელი. ფოტოგრაფი Elliott Erwitt. სურათზე ნათლად ჩანს რასიზმის გამოვლინება: თეთრკანიანები და შავკანიანები სხვადასხვა ონკანიდან სვამენ წყალს. ამასთან შავკანიანებისთვის განკუთვნილი ონკანი უფრო მოუხერხებელია.

ნეტარება, 2000 წელი. ფოტოგრაფი Charles O’Rear. სურათზე ლიცენზია აიღო მაიკროსოფტმა და ფოტოგრაფს რეკორდული თანხა - 200 მილიონი დოლარი გადაუხადა. რეკორდი ჯერაც მოუხსნელია.

ეს ერთერთი მნიშვნელოვანი სურათია მედიცინაში. 21 კვირის ჩასახული ბავშვის ხელი, რომელიც დედის სხეულიდან თითქოს ცხოვრებას ეჭიდება და ხელს კიდებს ქირურგს. სურათი გადაღებულია ერთერთი ოპერაციის დროს ამერიკაში.

ფოტოგრაფმა ფილიპ ჰალცმანმა კარიერა აიწყო ადამიანების ფოტოებით ნახტომში. ის თვლიდა რომ ნახტომში ადამიანი გამოაჩენს თავის ნამდვილ სახეს. მუშაობის 6 საათი, 28 ნახტომი, ოთახ სავსე დამხმარეებით რომლებიც ჰაერში სროულობდნენ წყლიან ვედროს და კატებს. ასე დაიბადა ეს სურათი. სურათის უკან ფონზე ჩანს სალვადორ დალის ჯერ კიდევ დაუსრულებელი შედევრი.

1941 წლის 27 იანვარს უინსტონ ჩერჩილი შევიდა ერთერთ ფოტოატელიეში რათა გადაეღო რამოდენიმე პორტრეტი, რომლებშიც გამოჩნდებოდა მისი სიმკაცრე და მიზანდასახულობა, უდიდესი ადამიანი სიგარით ხელში ვერანაირად ვერ პოულობდა შესაფერის სურათს. მაშინ ფოტოგრაფი იუსუფ კარში მიუახლოვდა დიდ პოლიტიკოსს და სწრაფი მოზრაობით პირიდან გამოგლიჯა სიგარა, ჩერჩილმა გაბრაზებული მზერით შეხედა ფოტოგრაფს, და მანაც არ დაახანა და გადაიღო სურათი. ასე შეიქმნა უინსტონ ჩერჩილის ყველაზე ცნობილი პორტრეტი.